نكت المدرسة
هادا واحد المعلم تعين ف واحد لقرية . واحد النهار دّا الكاشير للقسم و سول التلاميد: ما هذا؟
حتى واحد ما قشع أشنو داكشي. شوية و هو يهز واحد التلميد صبعو: هاديك ممحاة ديال ستاشرمية
-------------------------------------------------------------------------
هادي واحد المعلمة رسمات للدراري تراكتور و سولاتهم واش عرفوا أشنو سميته.
حتى واحد ماعرفه. واحد شوية وهي تنوض واحد باش يجاوب و الدري تمتام، قال ليها: تر تر تر تر تر تر
وهي تقول ليه: أنا غير سولتك على سميته ماشي قلت ليك دير ليه أمارش
-------------------------------------------------------------------------
هادا واحد الاستاد سول التلاميد دياولو :ما هو أقرب كوكب إلى الأرض؟
حتى واحد ما عرف يجاوب. شوية و هو يهز واحد الكسول إيديه: "استاد، استاد، استاد
قال ليه جاوب
جاوب الكسول: الكوكب المراكشي
-------------------------------------------------------------------------
أستاد ديال الرياضيات سول واحد التلميد: إيلا عطاك باك 10 د الدراهم و عطا لخوك 15 دراهم. ماذا تساوي؟
قال ليه التلميد: تساوي الحرب
-------------------------------------------------------------------------
واحد المعلم سول التلاميد: أشنو المعنى ديال كلمة سبيل و أشنو المعنى ديال كلمة سلسبيل
جوابه واحد التلميد: سبيل هو طريق و سلسبيل هو طرطريق
-------------------------------------------------------------------------
هادا واحد مسيفط ختو تشوف ليه النتائج ديال الامتحانات. اتفق معاها تقول ليه ف التلفون إيلا سقط ف مادة وحدة: سلم عليك محمد. إيلا سقت ف جوج مواد: سلموا عليك محمد و محمد. إلخ
المهم مشات البنت تشوف النتائج وعيط ليها خوها، قال ليها: أ من درا؟ قالت ليه ختو: سلمت عليك أمة محمد كلها
--------------------------------------------------------------------------
هادا واحد مسيفط صاحبو اشوف ليه النتائج ديال الامتحانات. اتفق معاها اقول ليه ف التلفون إيلا سقط فشي مادة وحدة: سلم عليك باباك. المادة الثانية : تيسلم عليك عمك. الثالثة: تيسلم عليك خالك.الرابعة والخامسة...الخ
المهم مشا صاحبو اشوف النتائج وعيط عليه ، قال ليه: أ من درا؟ قال ليه صاحبو: كتسلم عليك العائلة كلها ---زعما ما نجح ف تا مادة---
---------------------------------------------------------------------------
واحد الاستاد قال لواحد التلميد: أعرب لنا جملة "ضرب الولد الصرصور"
جاوبه الولد: ضرب فعل إجرام، الطفل ابن حرام، أما الصرصور فهو فاعص مفعوص وعلامة فعصه الضربه القاضيه على رأسه
---------------------------------------------------------------------------
هادا واحد لكسول، غير هز صبعو و هو يشدو لكلاكاج
---------------------------------------------------------------------------
واحد المعلم ضرب واحد الولد كيقرى عنده و قال ليه: راه غير عزيز عليا، داكشي علاش كنضربك إيلا ما درتيش التمارين
قال ليه الولد: كون غير قدرت نبادلك نفس الشعور حيت انت عزيز علي بزاف
---------------------------------------------------------------------------
هادا واحد الأستاد نوض واحد الكسول للسبورة، و كتب ليه صفر و سولو: أشنو هادا؟
جاوبو الكسول: صفر
زاد ليه الأستاد تلاتة ديال الأصفار, و عاود سولو: و دابا؟
جاوبو الكسول: صفرالاف و صفرمية و صفرة و صفرين
